септември 2023
П	В	С	Ч	П	С	Н
	1	2	3
4	5	6	7	8	9	10
11	12	13	14	15	16	17
18	19	20	21	22	23	24
25	26	27	28	29	30

ЕРАЗМУС+ K103

Тим на професори од Педагошкиот факултет „Св. Климент Охридски“ – Скопје: проф. д-р Маја Рауник Кирков, проф. д-р Емилј Сулејмани, проф. д-р Билјана Камчевска, проф. д-р Лулзим Адеми, проф. д-р Весна Макашевска и проф. д-р Елизабета Бандиловска, учествуват во реализација на проектот „Развој на писменост и учење на јазик за млади ученици во неповолна ситуација“ во рамки на Еразмус+ К2 програмата финансирана од Агенцијата за мобилност и ЕУ програми на Европската Унија.

Учесници во проектот се и професори од Учителскиот факултет при Универзитетот во Загреб, Хрватска, Филолошкиот факултет при Универзитетот во Марибор, Словенија и ОУ „Иван Гундулиќ“ во Загреб, Хрватска.

Заедничката работа резултираше со првиот интелектуален резултат „Збирка на примери на добри практики“ кој претставува истражување на различни добри искуства од досегашната пракса на учење на немајчин јазик во сите наведни држави.

Во прилог го презентираме на македонски и англиски јазик.

Проектот продолжува со следните предвидени активности и ќе трае до 30.9.2020 г.

Zbirka na primeri na dobro praktiki_DEAL-IO1_mak. (1)

Report of the activities of good practice_DEAL-IO1_eng. (2)

УНИВЕРЗИТЕТОТ „СВ. КИРИЛ И МЕТОДИЈ” ВО СКОПЈЕ
објавува

КОНКУРС
ВО РАМКИ НА ПРОГРАМАТА ЕРАЗМУС+
АКЦИЈА 1: ИНДИВИДУАЛНА МОБИЛНОСТ ЗА СТУДЕНТИ И НАСТАВЕН КАДАР
за академската 2018/2019 година

Во рамки на програмата ЕРАЗМУС+ K103 на Европската комисија, Универзитетот „Св. Кирил и Методиј” распишува конкурс за доделување стипендии за студенти и наставен кадар за студиски престој на високообразовните институции во ЕУ.

За размена на додипломско ниво, право на пријавување имаат само редовни студенти со завршена прва година на студии.

Времетраење на мобилноста за студенти: еден семестaр (летен семестар).

Времетраење на мобилноста на наставниот кадар: 1 недела (до 5 работни денови).

Мобилноста се остварува во рамки на потпишани Еразмус+ договори меѓу УКИМ и ЕУ универзитетите. (Види листа на Еразмус+ договори)

Потребни документи за мобилност на студенти:

Сите документи за аплицирање се достапни на интернет-страната на Универзитетот www.ukim.edu.mk/меѓународна соработка/ЕРАЗМУС+ или интернет-страната на факултетот:

пополнет формулар за пријавување (Student Application Form);
договор за студирање (Learning Agreement) во кој се утврдува програмата за студирање, потпишана и одобрена од страна на студентот, матичниот факултет/Еразмус+ координаторот и факултетот во странство (минимум 20 ЕКТС- максимум 30ЕКТС);
уверение за положени испити на македонски јазик;
најмалку една препорака;
уверение/диплома за познавање на англиски јазик или јазикот на кој се изведува наставата на ЕУ универзитетот издадена од признат центар/школа за странски јазици;
уверение за редовен студент- запишан семестар/година (на македонски јазик);
кратка биографија (Europass model).

Висината на стипендијата за студентите изнесува 470-520 ЕУР месечно, согласно земјата во која се престојува (Види листа на интернет-страната на Универзитетот.

Патните трошоци и здравственото осигурување ги покриваат лично студентите.

Потребни документи за мобилност на наставен кадар:

мобилност за наставeн ангажман (teaching):

(Staff Application Form) ;
(Staff Mobility Agreement for Teaching) ;
покана (Letter of invitation) од страна на Универзитетот- домаќин;
кратка биографија (Europass model).

мобилност за обука (training) :

(Staff Application Form);
(Staff Mobility Agreement for Training) ;
покана (Letter of invitation) од страна на Универзитетот- домаќин;
кратка биографија (Europass model).

Селекцијата/рангирањето на кандидатите ја прави факултетот согласно со утврдените критериуми: академскиот успех, познавање на англиски јазик или јазикот на кој се изведува наставата, мотивација.

При одлучувањето, предност ќе имаат кандидатите кои аплицираат за првпат и досега не користеле Еразмус+ стипендија.

Кандидатите лично ја поднесуваат апликацијата во три примерока до Еразмус+ координаторот на факултетот каде студираат, најдоцна до 1 октомври 2018.

(Еден примерок за Еразмус+ коррдинаторот, еден примерок задржува студентот и еден примерок се доставува до Ректоратот на УКИМ)

(Види листа на Еразмус+ координатори по факултети).

Краен рок за поднесување на рангираните апликации од страна на факултетите до Ректоратот е 5 октомври 2018.

УНИВЕРЗИТЕТ „СВ. КИРИЛ И МЕТОДИЈ” ВО СКОПЈЕ